Իրավական
20:40 18/12/2019

22-ամյա երիտասարդը Խնածախ գյուղում դանակահարել է 2 տղամարդու (ՏԵՍԱՆՅՈւԹ)

Դեկտեմբերի 15-ի գիշերը ոստիկանության Գորիսի բաժնում ահազանգ ստացվեց, որ Սյունիքի մարզի Խնածախ գյուղում դանակահարություն է տեղի ունեցել։ Դեպքի վայր մեկնած օպերատիվ խումբը պարզեց, որ համագյուղացիները կենցաղային պատճառներով վիճել են։

Օպերատիվ կերպով պարզվեց միջադեպի մասնակիցների շրջանակը։ Շուտով հայտնի դարձավ, որ մասնակիցներից 22-ամյա երիտասարդը դանակով երկու անգամ խփել է 37-ամյա, մեկ անգամ՝ 33-ամյա մի տղամարդու։

Հանգամանքները հիմնավորվեցին փաստական տվյալներով, ինչից հետո Գորիսի ոստիկանները սկսեցին կասկածվողին հայտնաբերելու միջոցառումները։ Զուգահեռ տարված բացատրական աշխատանքի շնորհիվ դեպքից մի քանի ժամ անց՝ արդեն դեկտեմբերի լույս 16-ի գիշերը, 22-ամյա երիտասարդը կամավոր ներկայացավ ոստիկանության Գորիսի բաժին ու խոստովանական բացատրաություն տվեց։

Հետագա միջոցառումենրով քրեական հետախույզները հայտնաբերեցին հանցագործության գործիք դանակը, որն ուղարկվել է փորձաքննության։

Դեպքի հանգամանքները պարզվում են։

Այս մասին տեղեկացնում են ՀՀ ոստիկանության պաշտոնական կայքից։

ՎԵՐՋԻՆ ԼՈւՐԵՐ

Վերեվ