«Իրազեկ քաղաքացիների միավորում» հասարակական կազմակերպության ծրագրերի համակարգող Դանիել Իոաննիսյանը օգոստոսի 16-ին Facebook-ի իր էջում խոսել է Հակակոռուպցիոն կոմիտեի նախագահի ընտրության գործընթացօի մասին։
- Քաղաքապետից դժգոհ լինելը հիմք չէ արտահերթ ընտրությունների համար․ Իոաննիսյան
- Հայաստան և Պատիվ ունեմ դաշինքները ՍԴ-ում մանիպուլատիվ գիծ են տանում․ Իոաննիսյան
«Ստեղծվելիք հակակոռուպցիոն կոմիտեի նախագահի պաշտոնի համար, մրցութային խորհրդում, ստացել ենք 3 հայտ: Մասնավորապես, հակակոռուպցիոն իրավապահ մարմնի ղեկավարի պաշտոնին հավակնում են Սասուն Մհերի Խաչատրյանը, Գառնիկ Արտուշի Թորոսյանը և Դավիթ Ռուբենի Մկրտումյանը:
Նախատեսվում է, որ սեպտեմբերի առաջին կեսին Կոռուպցիայի կանխարգելման հանձնաժողովից կստացվեն հայցորդների մասով բարևարքության տեղեկանքներն ու կկայանան հարցազրույցները: Դրան, սակայն, նախորդելու է փաստաթղթերի ուսումնասիրության փուլը:
Բոլոր այս պրոցեսները թափանցիկ են, ՀԿ-ների ու ԶԼՄ-ների ներկայացուցիչները կարող են ներկա լինել մեր նիստերին (այդ թվում՝ հարցազրույցներին)», – գրել է Իոաննիսյանը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
