fbpx
ՏՏ

16:30 4/8/2019

4G ցանցը հասանելի է Չինաստանի գրեթե բոլոր գյուղերում

Չինաստանի գյուղերում մանրաթելերի և 4G ցանցերի բաշխման մակարդակը 2019 թվականին հասել է 98 տոկոսի: Այս մասին տեղեկացնում է «Սինհուա» լրատվական գործակալությունը:

Աղբյուրի փոխնանցմամբ՝ Չինաստանի արդյունաբերության և տեղեկատվության նախարարության արդյունաբերական բաժնի գլխավոր ինժեներ Չժան Ֆենգն իր խոսքում նշել է, որ Չինաստանում հեռահաղորդակցական ծառայությունների առաջընթացի շնորհիվ առաջացել է տարբեր համացանցային պլատֆորմների օգտագործման մասսայականացում:

Օրինակ՝ չինացիները սիրում են օգտագործել ծրագրեր բժշկագիտություն և այլ գիտություններ սովորելու, ինչպես նաև առցանց գնումներ կատարելու համար: Մարզերում համացանցի զարգացումը բնակիչներին հնարավորություն է տվել օգտվելու հիմնական պետական ծառայություններից, ինչպիսիք ունեն քաղաքայինները:

Նշվում է նաև, որ 2015 թվականից ի վեր գյուղերում կառուցվել է 36000 4G բազային կայան:

Վերեվ