Իտալական «Յուվենտուսի» հարձակվող Պաուլո Դիբալան կարող է լքել Թուրինը և հայտնվել Ֆրանսիայի մայրաքաղաքում։ Այս մասին տեղեկացնում է Canal+ – ը:
Նշվում է, որ ՊՍԺ-ի ղեկավարությունը արդեն հարցում է ուղարկել Թուրին։ Փարիզյան ակումբը պատրաստ է Դիբալայի համար վճարել 60 միլիոն եվրո։
Ավելի վաղ հաղորդվում էր, որ 25-ամյա արգենտինացին կարող է կարիերան շարունակել «Մանչեսթեր Յունայթեդում», բայց հետագայում անգլիական ակումբը հրաժարվեց Դիբալային ձեռք բերելու մտքից։