Մշակույթ

68 երկրի 1020 ֆիլմեր՝ Հայաստանում

ՀՀ կրթության, գիտության, սպորտի և մշակույթի նախարարության աջակցությամբ, Հայաստանի «Ռոլան Բիկով» հիմնադրամի կազմակերպմամբ՝ 2019 թ. նոյեմբերի 5-9-ը Երևանում, Հայաստանի 7 մարզերում (Շիրակ (ք. Գյումրի), Լոռի (ք. Ալավերդի), Գեղարքունիք (ք. Գավառ), Արմավիր (ք. Արմավիր), Կոտայք (գ. Զովունի, գ. Կոտայք), Արագածոտն (հ. Կարբի), Արարատ (ք. Արարատ)), Արցախում և Վրաստանում՝ Թբիլիսիում կանցկացվի «Ռոլան» մանկապատանեկան ֆիլմերի 15-րդ՝ հոբելյանական միջազգային փառատոնը:

Փառատոնի բացման արարողությունը տեղի կունենա նոյեմբերի 5-ին, ժամը 19:00-ին, «Մոսկվա» կինոթատրոնի «Կարմիր» դահլիճում: Փակման արարողությունը՝ նոյեմբերի 9-ին, ժամը 19:00-ին, «Մոսկվա» կինոթատրոնի «Կարմիր» դահլիճում:

Շուրջ 68 երկրից ստացված 1020 ֆիլմերի հայտերից փառատոնի ծրագրում ընդգրկվել է 210 ֆիլմ:

Փառատոնի շրջանակում Երևան կժամանեն հյուրեր Ռուսաստանից, Չեխիայից, Վրաստանից, Իրանից, Ուկրաինայից, Ֆրանսիայից, Ղազախստանից, Սլովակիայից, Բելառուսից, Գերմանիայից, Հունգարիայից, Լեհաստանից, Ուզբեկստանից, Ճապոնիայից և այլն:

Այս մասին տեղեկացնում են ՀՀ ԿԳՄՍՆ պաշտոնական կայքից։

ՎԵՐՋԻՆ ԼՈւՐԵՐ

ՎԵՐԵՎ