Այսօր` մայիսի 14-ի մամուլի ասուլիսի ժամանակ ՀՀ առողջապահության նախարարի տեղակալ Լենա Նանուշյանը հայտնեց, որ Հայաստանի կողմից 100 արհեստական շնչառության սարք է ձեռք բերվել և ներկայումս 70 սարք գտնվում է գնման գործընթացում:
«Ձեռք են բերվել սարքեր, որոնք օգտագործվում են և ինվազիվ դեպքերի և ոչ ինվազիվ դեպքերի համար։ Ներկա պահին փորձում ենք համակարգը պատրաստել նոր հիվանդների ընդունման դեպքում պատրաստ լինելու և այդ ծառայությունները ապահովելու համար»,- հավելեց նա։
