Դեկտեմբերի 7-ին՝ ժամը 16:30-ին, The Club սրճարանում տեղի կունենա Դառանժի՝ Անժելա Դարբինյանի «Ներքին հեղափոխություն/NulluS» վեպի շնորհանդեսը:
Վեպը հակաուտոպիական ժանրի ստեղծագործություն է: Հենց այդ ժանրի բազմաշերտ լինելն է, որ թույլ է տալիս հեղինակին հեշտությամբ բացել մարդ տեսակի ներաշխարհը և այն ցույց տալ ընթերցողին:
Գիրքը պատմում է հորինված Նուլլուս երկրում կատարված հեղափոխության հետևանքների և ներքին հեղափոխական լինելու մասին՝ հրամցնելով այն գաղափարը, որ յուրաքանչյուրս մեր օրերի հերոսներն ենք: Առեղծվածային սյուժեի միջոցով ընթերցողին ցույց է տրվում, թե սխալ մոտեցումների և գաղափարների հետևանքով ինչպիսի քաոսի կարող է վերածվել հեղափոխված իրականությունը: Դրանից բխում են բազմաթիվ հարցեր․ ո՞րն է կյանքի իրական շարժառիթը, արդյո՞ք մարդկանց «քնած» գիտակցությունը կարթնանա՝ բացելով նոր դռներ նրանց հեղափոխական ոգու առջև:
Միջոցառման մուտքն ազատ է: Լինելու են հետաքրքիր հյուրեր։
Հեղինակը հրավիրում է շնորհանդեսին՝ բացահայտելու յուրաքանչյուրի ներսի հեղափոխականին։
Առավել մանրամասն տեղեկություններ՝ այստեղ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
