Բելառուսում այսօր՝ օգոստոսի 9-ին, ընթանում են երկրի նախագահական ընտրությունները։
Նախագահի թեկնածուները հինգն են՝ գործող նախագահ Ալեքսանդր Լուկաշենկոն, Անդրեյ Դմիտրիևը, Աննա Կանոպացկայան, Սվետլանա Տիխանովսկայան և Սերգեյ Չերեչենը։
Բելառուսի կենտրոնական ընտրական հանձնաժողովում ձևավորվել է 153 տարածաշրջանային ու 5723 տեղական ընտրական հանձնաժողով, իսկ քվեարկության համար ձևավորվել է 5727 տեղամաս։
Վերջիններս բացվել են տեղի ժամանակով 08:00-ին։
Ընտրություններին մասնակցության իրավունք ունի 6 836 585 անձ։
Նշենք, որ ընտրությունները կհամարվեն կայացած, եթե քվեարկության իրավունք ունեցողների կեսից ավելին մասնակցի դրանց։
