Ադրբեջանցի ընդդիմադիրը դատապարտվեց 13 տարվա ազատազրկման

Posted on 08/10/2021, 16:30

Ադրբեջանական դատարանը 13 տարվա ազատազրկման է դատապարտել ընդդիմադիր քաղաքական գործիչ Նիյամեդին Ահմեդովին, ով «Ժողովրդական ճակատ» կուսակցությունից է։

Այս մասին հայտնում է Turan գործակալությունը։

Նշվում է, որ Ահմեդովը ձերբակալվել է այս տարվա ապրիլին՝ կարանտինային ռեժիմը խախտելու ու Ոստիկանությանը դիմադրելու համար։ Հետագայում Ահմեդովին մեղադրանք է առաջադրվել «ահաբեկչության ֆինանսավորման» համար։

Ըստ աղբյուրի՝ Ահմեդովին Բաքվում ենթարկել են խոշտանգումների, որի նպատակը եղել է կուսակցության առաջնորդի դեմ ցուցմունք կորզելը։

Նշվում է նաև, որ Ահմեդովի դատավարությունն ընթացել է դատարանի դիմաց բողոքի ակցիաներով։