Կարևոր, արդյունավետ ու կառուցողական քայլ․ Իրանի ԱԳ նախարարը՝ Սոչիի եռակողմ հանդիպման մասին

Իրանի և Ադրբեջանի արտաքին գործերի նախարարներ Ամիր Աբդոլահիանն ու Ջեյհուն Բայրամովը հանդիպել են Աշխաբադում։

Այս մասին հայտնում է Mehr News-ը։

Նշվում է, որ Աբդոլահիանը կարևորել է Սոչիում կայացած եռակողմ հանդիպումը՝ Հայաստանի, Ռուսաստանի ու Ադրբեջանի ղեկավարների մասնակցությամբ։ Նա հանդիպման անցկացումը որակել է որպես կարևոր, արդյունավետ ու կառուցողական քայլ` տարածաշրջանում ստեղծված ճգնաժամը հաղթահարելու ուղղությամբ։

Բայրամովն էլ կարևորել է 2 երկրների ու մյուս հարևան երկրների միջև համատեղ ծրագրերի կատարումը։