Հայաստանի Հանրապետության Բարձրագույն դատական խորհուրդը համաձայնություն է տվել դատավոր Բորիս Բախշիյանի նկատմամբ քրեական հետապնդում սկսելու ու ազատությունից զրկելու մասով համաձայնություն տալու միջնորդությունները։
Այս մասին տեղեկանում ենք ԲԴԽ-ի Facebook-ի պաշտոնական էջից։
- Վստահ եմ, որ կլինի Սահմանադրության նոր շարադրանք․ Մարուքյան
- Վարչապետը ո՞վ է, մենք ենք որոշում կայացնողը․ Օնիկը 40 տարի է չի կարողանում ստանալ իրեն կտակված տունը, դատարաններն էլ մերժում են նրա դիմումները
«Սույն թվականի հունվարի 31-ին Բարձրագույն դատական խորհրդին ՀՀ գլխավոր դատախազի կողմից ներկայացվել էին երկու միջնորդություններ՝ Սյունիքի մարզի ընդհանուր իրավասության դատարանի դատավոր Բորիս Բախշիյանի նկատմամբ քրեական հետապնդում հարուցելու վերաբերյալ համաձայնություն տալու մասին և դատավորին ազատությունից զրկելու վերաբերյալ համաձայնություն տալու մասին։
Խորհուրդը միաձայն որոշել է ներկայացված երկու միջնորդությունները բավարարել», – ասված է ԲԴԽ-ի տարածած հաղորդագրությունում:
