Վլադիկավկազում ընթացող բռնցքամարի Եվրոպայի 18-22 տարեկանների առաջնությունում այսօր ռինգ դուրս կգա և մեդալի համար կպայքարի Հայաստանի 2 ներկայացուցիչ՝ 51 կգ քաշային Անուշ Գրիգորյանն ու 64 կգ քաշային Անի Հովսեփյանը:
Հաղթանակի դեպքում մեր բռնցքամարտիկները դուրս կգան կիսաեզրափակիչ:
Վլադիկավկազում պայքարը շարունակում է Հայաստանի 6 ներկայացուցիչ:
Բացի Անուշ Գրիգորյանից և Անի Հովսեփյանից քառորդ եզրափակչում են նաև 56 կգ քաշային Ժորժիկ Մարությանը, 60 կգ քաշային Հրայր Շահվերդյանը, 75 կգ քաշային Վախթանգ Հարությունյանն ու գերծանր քաշային Գուրգեն Հովհաննիսյանը:
Այս փուլում հաղթելու դեպքում մեր բռնցքամարտիկները կապահովեն առնվազն բրոնզե մեդալ:
Հաղորդում է armsport.am-ը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
