2025 թվականի փետրվարի 1-ից Հայաստանում կգործարկվի հատուկ ծրագիր, որը նախատեսված է անհուսալի վարկեր ունեցող անձանց աջակցելու համար: Ծրագրի հիմնական նպատակն է օգնել նրանց դուրս գալ ստվերային զբաղվածությունից և վերականգնել իրենց տնտեսական ակտիվությունը։
Այս միջոցառումից կարող են օգտվել վարկային պարտավորություն ունեցող այն քաղաքացիները, որոնց բոլոր վարկերի մայր գումարների հանրագումարը դիմելու օրվա դրությամբ չի գերազանցում 1 միլիոն դրամը, և այդ վարկերը դասակարգված են «անհուսալի» կարգով առնվազն երեք տարի:
Ծրագրին մասնակցելու հիմնական պայմանն այն է, որ դիմորդը պետք է ունենա ֆորմալ՝ գրանցված զբաղվածություն։
Աջակցության տրամադրվող գումարը կկազմի աշխատավարձից հաշվարկված եկամտային հարկի չափը, որը կուղղվի շահառուի անհուսալի վարկային պարտավորությունների մարմանը։ Աջակցությունը կտրամադրվի առավելագույնը 24 ամիս ժամկետով՝ սկսած շահառու դառնալուն հաջորդող ամսվա 1-ից։
Այս նորարարական մոտեցումը նպատակ ունի նպաստել քաղաքացիների ֆինանսական կարգավիճակի կայունացմանը՝ միաժամանակ խթանելով նրանց տնտեսական ներգրավվածությունը: Այն կարող է նշանակալի քայլ դառնալ սոցիալական և տնտեսական խնդիրների համապարփակ լուծման ուղղությամբ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
