Արցախի ԱԱԾ-ն հայտարարություն է տարածել, որում հայտնել է, որ արձագանքելով ժամեր առաջ «Facebook-ի» սոցիալական ցանցում ադրբեջանական հատուկ ծառայությունների կողմից տարածված հայատառ այն գրառմանը, թե իբր ԱՀ ՊԲ֊ ն Արցախի բնակիչներին նախազգուշացնում է պատրաստ լինել «արտակարգ տարհանման», հորդորում է չտրվել սադրանքների և զերծ մնալ չճշտված լուրեր տարածելուց։
- Արցախի ԱԱԾ-ն կոչ է անում չտրվել ադրբեջանական քարոզչությանը
- Գտնվել են մեքենայի համարները գողացող ու գումար պահանջողները․ ԱԱԾ-ի բացահայտումը
ԱԱԾ տարածած հայտարարության մեջ մասնավորապես ասված է.
«Արցախի Հանրապետության ազգային անվտանգության ծառայությունը, հետամուտ լինելով տեղեկատվական անվտանգության ոլորտում օրենսդրությամբ իրեն վերապահված գործառույթների և լիազորությունների իրականացմանը, հաշվի առնելով ադրբեջանական հատուկ ծառայությունների կողմից վերջին շրջանում ապատեղեկատվություն տարածելու ակտիվ փորձերը, կոչ է անում զերծ մնալ կասկածելի լուրեր տարածելուց, դրանք սոցիալական ցանցերում քննարկելուց և հետևել միայն պաշտոնական լրահոսին»։
