Հայաստան

ԱԱՏՄ-ն Երևանում և մարզերում մշտադիտարկման լայնածավալ աշխատանք է իրականացնում

ԱԱՏՄ-ն Facebook-ի էջում գրառում է կատարել։ Գրառման մեջ նշվում է, որ ՀՀ առողջապահական և աշխատանքի տեսչական մարմնի Երևանի և մարզային տարածքային ստորաբաժանումները հանրապետությունով մեկ իրազեկման և մշտադիտարկման լայնածավալ աշխատանք են իրականացնում։

«ԱԱՏՄ տեսուչները տնտեսվարողներին իրազեկում են, որ, հիմք ընդունելով ՀՀ-ում արտակարգ դրություն հայտարարելու մասին ՀՀ կառավարության 16.03.2020թ.-ի № 298-Ն որոշումը, Պարետի 2020 թվականի մայիսի 3-ի № 63 եւ № 65 որոշումներով սահմանվել են Որոշման Հավելված 1-ով ժամանակավորապես չսահմանափակված (թույլատրված) տնտեսական գործունության տեսակներով զբաղվելու կանոնները՝ նպատակ ունենալով կանխարգելել տնտեսվարող սուբյեկտների գործունեության ընթացքում կորոնավիրուսային հիվանդության (COVID-19) տարածումը»։

ԱԱՏՄ-ն հորդորել է խստիվ պահպանել նշված որոշումների հավելվածներով սահմանված դրույթները։

Տեսչական մարմինը տեղեկացնում է նաև, որ ժամանակավորապես չսահմանափակված գործունեության տեսակներով զբաղվելու ժամանակ տնտեսվարող սուբյեկտի կողմից սահմանված կանոնները չպահպանելու դեպքում կիրառվում են օրենքով սահմանված պատասխանատվության միջոցներ։

«Միաժամանակ, իրազեկման աշխատանքների ընթացքում իրազեկման թերթիկներ են ուղարկվում հազարավոր տնտեսվարողների էլեկտրոնային հասցեներին, պատրաստվում են տեղեկատվական նյութեր», նշված է հաղորդագրությունում։

ՎԵՐՋԻՆ ԼՈւՐԵՐ

ՎԵՐԵՎ