fbpx
Առողջապահություն

Աչաջրի բժշկական կենտրոնը բոլոր անհրաժեշտ սարքավորումներով շտապօգնության մեքենա ստացավ

Տավուշի մարզպետարանը Աչաջրի բժշկական կենտրոնին հատկացրել է շտապօգնության ավտոմեքենա։

Բժշկական կենտրոնի տնօրեն Կորյուն Վարդապետյանն ասում է, որ շտապօգնության ավտոմեքենան կենտրոնի համար մեծ անհրաժեշտություն էր։ “Շնորհակալ ենք Տավուշի մարզպետ Հայկ Չոբանյանին աջակցության համար։ «Շտապօգնության ավտոմեքենան հագեցած է առաջին բուժօգնության բոլոր անհրաժեշտ սարքավորումներով, ինչը հնարավորություն կտա շտապ անհետաձգելի դեպքերում մարդկանց տեղափոխել Իջևանի կլինիկա»,-ասում է Կորյուն Վարդապետյանը։

Աչաջրի բժշկական կլինիկայի ծննդատունը մեծ ծանրաբեռնվածություն ունի։ Այստեղ տարեկան մինչև 150 ծնունդ է գրանցվում։

Կենտրոնը Հայաստան-Արցախ-Սփյուռք հիմնադրամի կողմից ճանաչվել է լավագույններից մեկը։ Հունիսի 17-ին Արամ Խաչատրյան համերգասրահում տեղի կունենա մրցանակաբաշխությունը։

Այս մասին տեղեկանում ենք Տավուշի մարզպետարանի պաշտոնական կայքից։

ՎԵՐՋԻՆ ԼՈւՐԵՐ

Վերեվ