Ո´չ ճանապարհներին, ո´չ գյուղերին ադրբեջանական դրոշներ ու ցուցանակներ չպետք է լինեն․ Թաթոյան (ՏԵՍԱՆՅՈւԹ)

ՀՀ մարդու իրավունքների պաշտպան Արման Թաթոյանը Facebook-ի իր էջում գրել է․

«Ադրբեջանի նախագա՞հն է չէ ՀՀ Սյունիքի մարզի համայնքները միավորող ճանապարհներին կամ գյուղերի անմիջական հարևանությամբ գտնվող ադրբեջական զինված ծառայողների գերագույն հրամանատարը:

Իրե՞նք են չէ կրակում Սյունիքի գյուղերի մոտ:

Ադրբեջանի նախագա՞հն է չէ ասում, որ իրենց «ռազմավարական ու քաղաքական նպատակն է Զանգեզուր, Երևան, Սևան վերադառնալը» ու վիրավորանքի, ատելության բսռերով խոսում Հայաստանի, Արցախի ողջ բնակչության մասին (այս տեսանյութում մեջբերել եմ դրանց միայն մի մասը` «շակալներ, վայրի հրեշներ, ուղեղ չունեցող» և այլն):

Ադրբեջական զինծառայողները հայկական կողմի զինծառայողներին ու քաղաքացիական անձանց խոշտանգելիս ու սպանելիս նույն բառերն էին օգտագործում (ապացույցները կից տեսանյութում են):

Այս ամենը ևս հիմնավորում է, որ, Սյունիքի մարզի բնակիչների իրավունքների երաշխավորման նպատակով ո´չ ճանապարհներին, ո´չ գյուղերի անմիջական հարևանությամբ նրանք (դրոշներն ու ցուցանակներն էլ) չպետք է լինեն»:

https://www.facebook.com/permalink.php?story_fbid=817445458854661&id=100017676420633&__cft__%5B0%5D=AZUHG8in483Y-q4NRMi5H66PUvCpH6UjOl_Hh9Zgg5wN_wN3_Pi59o8gnhgvcdN6KJ9Irv1v2lW5NPWMckuSMomYn0_mk55zdwXwyxZZO0ytAlZTUH8Lao9CiWy8G7UUI5yugdF08OntIZIBK1CM-0Zl&__tn__=%2CO%2CP-R