Առողջապահություն

Մենք բոլորս հույս ունենք ստանալ մի քանի արդյունավետ պատվաստանյութեր․ ԱՀԿ ղեկավար

Reuters լրատվական գործակալության հաղորդմամբ՝ Առողջապահության համաշխարհային կազմակերպության (ԱՀԿ) ղեկավար Թեդրոս Ադհանոմ Գեբրեյեսուսը հայտարարել է, որ կորոնավիրուսի դեմ պատվաստանյութ ստանալու հույսերը մեծ են, սակայն այս պահին չկա որևէ կախարդական փայտիկ և կարող է երբեք էլ չլինել:

«Այժմ մի շարք պատվաստանյութեր կլինիկական փորձարկումների երրորդ փուլում են, և մենք բոլորս հույս ունենք ստանալ մի քանի արդյունավետ պատվաստանյութեր, որոնք մարդկանց կպաշտպանեն վարակվելուց»,- նշել է ԱՀԿ ղեկավարը։

Գեբրեյեսուսի խոսքով՝ բռնկումները զսպելու հիմնական միջոցը մնում է հիվանդության վերահսկողությունը՝ թեստավորում, մեկուսացում, բուժում, կոնտակտավորների հայտնաբերում և մեկուսացում:

Մինչ օրս աշխարհում  կորոնավիրուսով հիվանդացել է 18.307.885 մարդ: Հիվանդներից ավելի քան 11 միլիոնը բուժվել է, 690 հազարը՝ մահացել:

ՎԵՐՋԻՆ ԼՈւՐԵՐ

ՎԵՐԵՎ