fbpx
Քաղաքականություն

ԱԺ Հայաստան-Մոլդովա բարեկամական խմբի անդամների հանդիպումը` Մոլդովայի դեսպանի հետ

ՀՀ ԱԺ Հայաստան-Մոլդովա բարեկամական խմբի անդամները սեպտեմբերի 5-ին հանդիպել են մեր երկրում Մոլդովայի Հանրապետության արտակարգ և լիազոր դեսպան Ռուսլան Բոլբոչանի (նստավայրը Կիև) և ՀՀ-ում ՄՀ պատվավոր հյուպատոս Մակար Պետրոսյանի հետ:

ՀՀ ԱԺ բարեկամական խմբի ղեկավար Արմեն Փամբուխչյանը, ողջունելով հյուրերին, շնորհավորել է Մոլդովայի Հանրապետության անկախության օրվա կապակցությամբ և նշել, որ թեև դիվանագիտական հարաբերությունները երկու երկրների միջև սկիզբ են առել դեռևս 1992 թվականից, սակայն հետագայում անհրաժեշտ զարգացում չեն ապրել: Ըստ պատագամավորի` այսօր Հայաստան-Մոլդովա համագործակցության համար բացվում են նոր հեռանկարներ:

Հանդիպմանն անրադարձ է կատարվել երկկողմ ապրանքաշրջանառության աճին, երկուստեք պատրաստակամություն հայտնվել աջակցելու տնտեսության զարգացմանն ու փոխշահավետ համագործակցությանը:

Դեսպան Ռուսլան Բոլբոչանը խորհրդարանականներին հրավիրել է ներկա գտնվելու ՀՀ-ում Մոլդովայի Հանրապետության հյուպատոսարանի բացման արարողությանը:

Կողմերը պայմանավորվածություն են ձեռք բերել հանդիպելու բարեկամական խմբերի ձևաչափում:

ԱՄԵՆԱԴԻՏՎԱԾՆԵՐԸ

ՎԵՐ