fbpx
Առողջապահություն
05:00 18/11/2019

Ախուրյանում բացվել է ակնաբուժական նոր կենտրոն

Ախուրյանում բացվել է ակնաբուժական նոր կենտրոն։ Կենտրոնի բացման արարողությանը մասնակցել է Շիրակի մարզպետ Տիգրան Պետրոսյանը։

Մարզպետը ողջունել է նորաբաց կենտրոնի աշխատակիցներին և կարևորել այսօրինակ կլինիկայի գործունեությունը ոչ թե մարզկենտրոնում, այլև Ախուրյան համայնքում, ինչը հնարավորություն է տալու որակյալ բժշկական ծառայություններ ստանալ նաև հարակից համայնքների բնակիչներին։

Ակնաբուժական կենտրոնում իրականացվելու են ինչպես հետազոտություններ, այնպես էլ վիրահատություններ։ Ակնաբուժական ծառայություններ կմատուցվեն նաև մանկահասակ երեխաներին։

Կլինիկան ապահովված է ժամանակակից ու եզակի սարքավորումներով, որոնց միջոցով հնարավոր կլինի միջազգային ստանդարտներին համապատասխան ախտորոշում, բուժում կազմակերպել։

Այս մասին տեղեկացնում են Շիրակի մարզպետարանի պաշտոնական կայքից։

ՎԵՐՋԻՆ ԼՈւՐԵՐ

Վերեվ