Այսօր Ազգային ժողովի նիստի ընդմիջման ժամանակ լրագրողները հետաքրքրվեցին ԲՀԿ խմբակցության ղեկավար Գագիկ Ծառուկյանից՝ ճիշտ են արդյոք այն լուրերը, որոնց համաձայն Բելառուսի նախագահ Ալեքսանդր Լուկաշենկոն գիշերել է իրենց տանը:
«Ալեքսանդր Գրիգորիչը մեր տանը չի գիշերել, նա իմ ընկերն է, գիշերել է ընդունելության տանը»,- պատասխանեց Գագիկ Ծառուկյանը:
Հիշեցնենք, որ Լուկաշենկոն հոկտեմբերի 1-ին Երևանում մասնակցել է Բարձրագույն Եվրասիական տնտեսական խորհրդի ընդլայնված կազմով նիստին:
