Ալեքսանդր Կարապետյանը վերջին րոպեներին դուբլ է ձևակերպել ու Պրոգրեսին փրկել պարտությունից

Լյուքսեմբուրգի առաջնության 15-րդ տուրում «Պրոգրեսը» սեփական հարկի տակ ընդունել է «Վիկտորիա Ռասպորտին» և ոչ-ոքի` 3:3 հաշվով ավարտել հանդիպումը:

Հայաստանի ազգային հավաքականի հարձակվող Ալեքսանդր Կարապետյանը տանտերերի կազմում մասնակցել է ամբողջ հանդիպմանը` դառնալով դուբլի հեղինակ:

31-ամյա հայ ֆուտբոլիստը 1:

3 հաշվի պայմաններում նախ կրճատել է հաշվի տարբերությունը, ապա` հավասարեցրել այն ու օգնել իր թիմին խուսափել պարտությունից: Հատկանշական է, որ երկու գոլն էլ Կարապետյանը հեղինակել է 90-րդ րոպեին:

15 տուրից հետո «Պրոգրեսը» մրցաշարային աղյուսակի 4-րդ հորիզոնականն է զբաղեցնում:

Հիշեցնենք` Ալեքսանդր Կարապետյանի գոլի շնորհիվ «Պրոգրես Նիդերկորնը» պարտությունից խուսափել էր նաև նախորդ տուրի` «Էտելբրուկի» հետ խաղում: Հանդիպումն ավարտվել էր ոչ-ոքի՝ 1:1 հաշվով:

Հաղորդում է armsport.am-ը։