Ալժիրի հյուսիս-արևմուտքում ռազմական ուղղաթիռ է կործանվել, երկու օդաչուներն էլ մահացել են, հայտնել է Al Arabiya հեռուստաալիքը:
Միջադեպը տեղի է ունեցել չորեքշաբթի ուշ երեկոյան Թիարեթի նահանգում: Մեքենայի ընկնելուց հետո ուժգին հրդեհ է սկսվել, ինչի հետևանքով ամբողջությամբ այրվել է ուղղաթիռի պատյանը:
Օդանավի կործմանման պատճառն առայժմ չի պարզվել:
Հեռուստաալիքը նշում է, որ ավիաաղետի վերաբերյալ ազգային պաշտպանության նախարարության պաշտոնական հայտարարությունը դեռ չի ստացվել: Այլ մանրամասնություններ չեն հաղորդվում: