Մայիսի 18-ին Իսրայելի ռազմածովային ուժերը Կիպրոսի ափերի մոտ՝ միջազգային ջրերում, կանգնեցրել և խուզարկել են մարդասիրական օգնություն տեղափոխող նավատորմը։ Ձերբակալվածների թվում է Իռլանդիայի նախագահ Քեթրին Քոնոլիի քույրը՝ բժիշկ Մարգարետ Քոնոլին։ Իռլանդիայի նախագահը հայտնել է իր խորը մտահոգությունը քրոջ և մյուս մասնակիցների անվտանգության վերաբերյալ։
Իռլանդիայի արտաքին գործերի նախարարությունը հայտարարել է, որ հետևում է իրավիճակին և հյուպատոսական աջակցություն է ցուցաբերում։ Միևնույն ժամանակ, միջադեպը բողոքի ալիք է բարձրացրել Իռլանդիայում՝ քաղաքական գործիչների և իրավապաշտպանների կողմից հնչել են կոչեր՝ Իսրայելի նկատմամբ պատժամիջոցներ կիրառելու և Իռլանդիայի կառավարությունից ավելի կոշտ դիրքորոշում պահանջելու վերաբերյալ։ Իսրայելական կողմը պնդում է, որ նավատորմը «սադրանք» է, և իրենք իրավունք ունեն պահպանելու Գազայի ծովային շրջափակումը։