Գրեյսի Աբրամսը հայտարարել է իր երրորդ ստուդիական ալբոմի՝ «Daughter From Hell»-ի թողարկման մասին, որը նախատեսված է հուլիսի 17-ին։ Ալբոմը ստեղծվել է երկարամյա համագործակից Աարոն Դեսների հետ, որի հետ երգչուհին աշխատել է նաև իր նախորդ՝ «Good Riddance» և «The Secret of Us» ալբոմների վրա։ Աբրամսի խոսքով՝ ստեղծագործական գործընթացը տեղի է ունեցել համերգային շրջագայությունների արանքում ընկած կարճ ժամանակահատվածներում։
Նոր ալբոմի առաջին սինգլը՝ «Hit the Wall»-ը, լույս կտեսնի մայիսի 14-ին։ Հիշեցնենք, որ Աբրամսի նախորդ ալբոմը՝ «The Secret of Us»-ը, զգալի հաջողություն է ունեցել՝ գլխավորելով մի շարք երկրների հիթ-շքերթները և ամրապնդելով նրա դիրքերը միջազգային երաժշտական շուկայում։ Բացի երաժշտական կարիերայից, Աբրամսը պատրաստվում է նաև իր դերասանական նորամուտին A24 ստուդիայի «Please» ֆիլմում։