ԱԺ-ի հասարակայնության հետ կապերի և հաղորդակցության վարչությունից հայտնում են, որ Ազգային ժողովի նախագահ Արարատ Միրզոյանն այսօր աշխատանքային հանդիպում է ունեցել Մարդու իրավունքների պաշտպան Արման Թաթոյանի հետ:
Այս մասին ԱԺ նախագահ Արարատ Միրզոյանը Facebook-ի իր էջում գրառում է կատարել։ Գրառման մեջ նշել է, որ հանդիպման ընթացքում պրն Թաթոյանը ներկայացրել է ադրբեջանական զինված ուժերի կողմից Տավուշի մարզի Բերդ, Չինարի, Այգեպար, Ներքին Կարմիրաղբյուր և մի շարք այլ քաղաքացիական բնակավայրերը հրետանակոծելու վերաբերյալ փաստահավաք աշխատանքների արդյունքները:
Մարդու իրավունքների պաշտպանը նշել է, որ ձեռք բերված հավաստի տվյալները և ուսումնասիրությունների արդյունքները կուղարկվեն միջազգային կառույցներին։
https://www.facebook.com/President.Parliament.AM/photos/a.1371791359525991/3325846990787075/?type=3&theater
