fbpx
Երևան
12:02 11/12/2019

Ամանորյա միջոցառումները չեն կարող լինել մեկ կամ երկու համերգային ծրագրով․ Տիգրան Վիրաբյան

Երևանի քաղաքապետարանը չի ավելացրել բյուջեն, չի ավելացնելու նաև հաջորդ տարի։ Այս մասին այսօր՝ դեկտեմբերի 11-ին, Երևանի քաղաքապետարանում տեղի ունեցած մամուլի ասուլիսին ասաց Երևանի քաղաքապետի տեղակալ Տիգրան Վիրաբյանը։

«2017-ին Երևանի բյուջեից տրամադրվել է 199 մլն դրամ, 2018-ին՝ 167 մլն դրամ, իսկ 2019-ին հատկացվել է 158 մլն դրամ։ Հետագայում, երբ կառավարությունը լիազորությունները պատվիրակեց քաղաքապետարանին, ծավալները մեծացվեցին։ Ավելացումը տեղի է ունեցել զուտ ծավալների, առաջարկի ընդհանուր տրամաբանության մեջ։ Երևանի քաղաքապետարանը չի ավելացրել բյուջեն, չի ավելացնելու նաև հաջորդ տարի,-ասաց Վիրաբյանը։

Հիշեցնենք, որ այս տարի ամանորյա տոնակատարություններին նախատեսված է հատկացնել 325 մլն դրամ։

Տիգրան Վիրաբյանը նաև ասաց, որ դեկտեմբերի 31-ին Հանրապետության հրապարակում Գորան Բրեգովիչի և նրա խմբի համերգի համար վճարվելու է 65 հազար եվրո։

Փոխքաղաքապետը, ներկայացնելով ամանորյա միջոցառումները, նշեց, որ Հանրապետության հրապարակի շատրվանների տարածքում կառուցվելու է ժամանակակից հեքիաթային քաղաք, պատվիրվել է վերգետնյա անցում, որպեսզի ապահովվի դեպի տոնածառ անվտանգ երթևեկություն ապահովվի։

«Դեկտեմբերի 21-ին՝ ժամը 20։00-ին, տեղի կունենա տոնական լույսերի վառման արարողությունը, որը կուղեկցվի հայկական մոտիվներով, հայաֆիկացված համաշխարհային ամանորյա հիթերի մյուզիքլով։

Կարծում եմ՝ այս ձևաչափը կլինի շատ հետաքրքիր։ Միջոցառումները կշարունակվեն մինչև 2020-ի հունվարի 13-ը։ Ամանորյա միջոցառումները չեն կարող լինել մեկ կամ երկու համերգային ծրագրով, ամեն երեկո պետք է հետաքրքիր դարձնենք մայրաքաղաքի կենտրոնը համաքաղաքացիների, հյուրերի համար,-ասաց նա։

Տիգրան Վիրաբյանի խոսքով՝ դեկտեմբերի 31-ին ծրագիրը մեկնարկելու է 22։00-ից։ Հանրապետության հրապարակից ուղիղ եթերով կլինի նաև վարչապետ Նիկոլ Փաշինյանի ամանորյա ուղերձը։

ՎԵՐՋԻՆ ԼՈւՐԵՐ

Վերեվ