CNN-ի փոխանցմամբ՝ ԱՄՆ Յուտա նահանգում ավազի և փոշու փոթորկի պատճառով 20 մեքենա է բախվել, որի հետևանքով 7 մարդ է մահացել, մի քանիսը՝ վիրավորվել: Շղթայական ավտովթարի պատճառը ավազե փոթորկի առաջացրած ցածր տեսանելիությունն է եղել:
Մի քանի հոգի ծայրահեղ ծանր վիճակում տեղափոխվել է հիվանդանոց: Իշխանությունները չեն հստակեցրել վիրավորների թիվը, սակայն հայտնել են, որ զոհերի թիվը կարող է աճել:
