Հուլիսի 20-ին հայ-ադրբեջանական սահմանին իրավիճակի հետ կապված հաղորդագրություն է տարածել ՀՀ-ում ԱՄՆ դեսպանությունը։
Դեսպանությունը մտահոգություն է հայտնում Հայաստանի և Ադրբեջանի սահմանի երկայնքով գրանցվող միջադեպերի կապակցությամբ․
«Միացյալ Նահանգները մտահոգված է Հայաստանի և Ադրբեջանի սահմանի երկայնքով գրանցվող միջադեպերով, հատկապես՝ Երասխ/Սադարակ հատվածի վերջին դեպքերով: Մենք երկու կողմին կոչ ենք անում արագ և խաղաղ կերպով թուլացնել լարվածությունը և առարկայական բանակցությունների վերսկսման տիրույթ ստեղծել»,-ասված է հաղորդագրության մեջ:
