ԱՄՆ-ն 225 միլիոն դոլարի չափով օգնության կտրամադրի մի շարք երկրների կորոնավիրուսի պանդեմիայի դեմ պայքարի համար:
Այս անգամ նոր փաթեթը չի ներառելու անհատական պաշտպանության միջոցներ, քանի որ այժմ ԱՄՆ-ում դրանց բարձր պահանջարկ կա, այլ կուղղվի COVID-19 վիրուսի նկատմամբ արձագանքը մեծացնելու գործընթացին, այս մասին հայտնել է պետքարտուղար Մայք Պոմպեն:
«Գումարը կուղղվի ախտորոշման, կանխարգելման և վերահսկողության համար, ինչպես նաև առողջապահության ազգային համակարգերի աջակցությանը և փորձարկումներ անցկացնելու ու բուժաշխատողներին վերապատրաստելու լաբորատորիաների ստեղծմանը »,- ասել է Պոմպեն։
Հիշեցնենք, որ մարտ ամսին ԱՄՆ-ն 64 երկրներին 274 միլիոն դոլարի չափով օգնություն էր հատկացրել և այսպիսով ընդհանուր օգնությունը կկազմի կես միլիարդ դոլար:
Այս մասին հաղորդում է AP-ը։
