ԱՄՆ-ից արձագանքել են՝ Աֆղանստանում մահապատիժների վերականգնման պլաններին

«Թալիբան» ծայրահեղական շարժման ներկայացուցիչները մտադիր են երկրում վերականգնել հանցագործությունների համար մահապատիժների ու անդամահատումների պրակտիկան։

Սրան դեմ են արտահայտվել ԱՄՆ պետքարտուղարությունից։

Պետդեպի խոսնակ Նեդ Փրայսը նշել է, որ դրանք մարդու իրավունքների կոպիտ խախտւոմներ են։

Նա ավելացրել է, որ իրենք մտադիր են պատասխանատվության ենթարկել նման խախտումներ իրականացնողներին։