ԱՄՆ Կոնգրեսի կայքում Ռուսաստանի դեմ ուղղված նոր՝ լրացուցիչ պատժամիջոցների մասին օրենքի նախագիծ է հրապարակվել:
Փաստաթղթի համաձայն՝ նոր պատժամիջոցները հիմնականում վերաբերելու են Ռուսաստանի ֆինանսական կառույցներին, որոնք ամերիկյան կողմի համոզմամբ, միջամտել են այլ երկրներում տեղի ունեցող ներքին քաղաքական գործընթացների:
Նաև ռուսական կողմի նոր` սուվերեն պարտքի հետ գործարքների նկատմամբ արգելք կկիրառվի, եթե մարման ժամկետը գերազանցի երկու շաբաթը:
Հաղորդվում է, որ պատժամիջոցներն ուժի մեջ կմտնեն օրենքի` ուժի մեջ մտնելուց 90 օր հետո:
