Թեհրանի նկատմամբ Վաշինգտոնի նոր պատժամիջոցները վկայությունն են նրա հուսահատության և իր նպատակներին դիվանագիտությամբ հասնելու անկարողության: Այսպիսի հայտարարությունն արել է Իրանի ԱԳ նախարարության պաշտոնական ներկայացուցիչ Աբաս Մուսավին:
«Միակողմանի սահմանափակումների դիմելու ԱՄՆ-ի գործելակերպը այդ երկրի քաղաքական գործիչներին դարձրել է բացարձակ պասիվ, ընդունակ միայն անհեթեթ պատժամիջոցների»,-ասել է նա:
Նոյեմբերի 4-ին ԱՄՆ-ի ֆինասների նախարարությունը հայտարարել է Թեհրանի նկատմամբ պատժամիջոցների ցուցակի ընդլայնման մասին՝ դրանում ներառելով Իրանի զինված ուժերի գլխավոր շտաբին, ինչպես նաև երկրի ինը քաղաքացիների, որոնց թվում է Իսլամական Հանրապետության հոգևոր առաջնորդի որդին՝ Մոջթաբա Խամենեին, և իրանական իշխանությունների բարձրաստիճան այլ ներկայացուցիչներ:
Ցուցակում են, մասնավորապես, Իրանի զինված ուժերի գլխավոր շտաբի պետ Մոհամադ Հոսեյն Բաղերին, ինչպես նաև մի ամբողջ շարք գեներալներ, հոգևորականներ և պաշտոնյաներ: