ԱՄՆ պետքարտուղար Մայք Պոմպեոն հայտարարել է, որ ԱՄՆ-ը չի ճանաչում Նիկոլաս Մադուրոյի՝ ԱՄՆ-Վենեսուելա դիվանագիտական հարաբերությունները խզելու իրավունքը։ Այս մասին հայտնում է «РИА Новости»-ն։
Նրա խոսքով՝ Մադուրոն հանդիսանում է «նախկին նախագահ», և նա նման գործողությունների լիազորություն այլևս չունի։ Բացի այդ, Պոմպեոն նշել է, որ ԱՄՆ-ը դիվանագիտական հարաբերություններ կպահպանի Վենեսուելայի ինքնահռչակ առաջնորդ Խուան Գուայդոյի հետ։
Պոմպեոն նաև ընդգծել է, որ Վաշինգտոնն ուշադիր կհետևի իրադարձություններին և համապատասխան միջոցառումներ կձեռնարկի նրանց դեմ, ովքեր սպառնալիք կներկայացնեն Վենեսուելայում ամերիկյան դիվանագիտական առաքելության համար։
ԽՈՐՀՈւՐԴ Է ՏՐՎՈւՄ ԿԱՐԴԱԼ
