ԱՄՆ-ը մտադիր է մեծացնել օտար երկրների, այդ թվում՝ Վրաստանի և Ուկրաինայի ռազմական օգնության տրամադրման ծրագրերի ֆինանսավորումը։ Այս մասին հայտնի է դարձել 2020 ֆինանսական տարվա համար Պետդեպարտամենտի բյուջեի նախագծի հրապարարակումից հետո։
Օտար երկրների բանակների ուսուցման ու նախապատրաստման համար ծրագրվում է հատկացնել 100 մլն դոլար։ Դա 5 մլն դոլարով ավելի է, քան անցած տարվա հատկացվածը։ Նշվում է, որ 26․4 մլն դոլար կծախսվի Եվրոպայի և Եվրասիայի երկրների վրա՝ հակազդելու Ռուսաստանի ազդեցությանը։ Ստացողների շարքում նշվում են Բուլղարիան, Լեհաստանը, Ռումինիան, Թուրքիան, Ուկրաինան և Վրաստանը։
