ՏՏ

Apple-ը կարող է ավելացնել iPhone 11-ի արտադրությունը մեծ պահանջարկի պատճառով

Ամերիկյան Apple ընկերությունը մատակարարներին հայտնել է 10%-ով կամ 8 մլն հատով վերջին՝ iPhone 11 շարքի արտադրությունն ավելացնելու անհրաժեշտության մասին, քանի որ աշխարհում իր նոր սմարթֆոնների պահանջարկը գերազանցել է բոլոր սպասումները: Այս մասին հայտնում է Nikkei Asian Review թերթը՝ հղում անելով իր աղբյուրներին:

«Այս աշունն ավելի ծանրաբեռնված է, քան մենք սպասում էինք»,-ասել է աղբյուրներից մեկը:

Այնուամենայնիվ, մատակարարները զգուշություն են պահպանում և մտավախություն ունեն, որ պատվերների ավելի բարձր մակարդակը կայուն չի լինի:

«Պահանջարկն այժմ լավն է: Սակայն մենք պետք է զգույշ լինենք և շատ լավատեսորեն չտրամադրվենք»,-ասել է աղբյուրը:

Apple ընկերությունը սեպտեմբերին ներկայացրել էր 3 նոր սմարթֆոն՝ iPhone 11, iPhone 11 Pro և iPhone 11 Pro Max:

ՎԵՐՋԻՆ ԼՈւՐԵՐ

ՎԵՐԵՎ