Օգոստոսի 11-ին Արցախի ԱԻ պետական ծառայությունը հայտնում է, որ Արցախում աշխատանքային խումբ կստեղծվի, որը կզբաղվի ջրամատակարարման աշխատանքներով։
«Հաշվի առնելով ջրի սակավության հետ կապված մայրաքաղաքում ստեղծված իրավիճակը, «Ջրմուղ կոյուղի» ՓԲԸ հետ համատեղ ՆԳ նախարարության ԱԻ պետական ծառայությունում ստեղծվել է աշխատանքային խումբ, որը կզբաղվի ջրամատակարարման աշխատանքներով:
- ՆԳՆ ԱԻՊԾ-ում աշխատանքային խորհրդակցություն է անցկացվել
- Որոնողական աշխատանքներն այսօր շարունակվում են Ջաբրայիլում․ ԱԻՊԾ
«Բնակչությանը ժամանակավոր ջուր մատակարարելու համար ԱԻ ծառայությունը գործի կդնի ունեցած ամբողջ հնարավորությունները, տեխնիկական ու մարդկային ռեսուրսները:
Այն բնակիչները, որոնք ապրում են բարձրահարկ շենքերում, ունեն սահմանափակ կարողություններ (տարեց, հաշմանդամ), կարող են զանգահարել 911, 047 94-09-11, 23-01, 047 94-58-71 թեժ գծի հեռախոսահամարներին:
Արտակարգ իրավիճակների պետական ծառայությունը և շահագրգիռ բոլոր կառույցներն այս պահին ձեռնարկում են բոլոր միջոցները ջրի հետ կապված խնդիրը ժամ առաջ լուծելու նպատակով»,- ասված է տարածած հաղորդագրության մեջ:
