2023-ի սեպտեմբերի 25-ին Հայկազովի վառելիքի պահեստում տեղի ունեցած պայթյունի զոհերի ընտանիքները երկու տարի անց դեռևս որևէ սոցիալական կարգավիճակ չեն ստացել։ Պայթյունի հետևանքով զոհվել էր 219 մարդ, 22-ը համարվում են անհետ կորած, իսկ 300-ը՝ վիրավոր։
2025թ. հոկտեմբերի 30-ին, ՀՀ ԱԺ «Հայաստան» դաշինքի պատգամավոր Արթուր Խաչատրյանը ՀՀ պետական բյուջեի նախագծի քննարկման ժամանակ բարձրացրել էր տուժած ընտանիքներին հատուկ կարգավիճակ տալու հարցը։ ՀՀ աշխատանքի և սոցիալական հարցերի նախարար Արսեն Թորոսյանը հայտարարել է, որ հարցը քննարկման փուլում է, սակայն ժամկետներ դեռևս չեն սահմանվել։