Մարտի 6-ին Ստեփանակերտի Խաչատուր Աբովյանի անվան N 1 հիմնական դպրոցում ԱՀ կրթության, գիտության և սպորտի և առողջապահության նախարությունների համատեղ նախաձեռնությամբ Ստեփանակերտի ուսումնական հաստատությունների պատասխանատուների մասնակցությամբ անցկացվել է խորհրդակցություն՝ գրիպի և սուր շնչառական վարակների հետ կապված առկա իրավիճակին և դրանց կանխարգելմանն ուղղված միջոցառումների անհրաժեշտությանը:
Խոսելով դասապրոցեսի դադարեցման և բաց թողնված դասաժամերի լրացման մասին՝ նախարարը տեղեկացրել է, որ քննարկման և որոշման արդյունքում առաջիկայում դասերը կլինեն 40 րոպե տևողությամբ, իսկ առաջին դասարանցիների գարնանային արձակուրդների մի մասը կտեղափոխվի՝ մարտի 25-ից ապրիլի 1-ը:
Խորհրդակցությանը ներկա էին նաև ԱՀ առողջապահության նախարար Արայիկ Բաղրյանը, «Համաճարակաբանության և հիգիենայի կենտրոն» ՊՈԱԿ-ի գործադիր տնօրեն Օֆելյա Գրիգորյանը և ԱՀ առողջապահության նախարարության պետական հիգիենիկ և հակահամաճարակային տեսչության պետ Օֆելյա Հարությունյանը: Խորհրդակցության վերջում կրթական հաստատությունների պատասխանատուները հանդես են եկել հարցադրումներով:
Ավելի մանրամասն՝ Լեռնային Ղարաբաղի կրթության, գիտության,սպորտի նախարարության կայքում edu.nkr.am։
Հիշեցնենք,որ կորոնավիրուսի տարածման կանխարգելման նպատակով Արցախում նույնպես դասերը մեկ շաբաթով հետաձգվել էին։
