fbpx
Սպորտ
15:10 09/12/2019

Grand Chess Tour․ Արոնյանը պարտվեց Կարլսենին ու գրավեց վերջին հորիզոնականը

Շախմատի Հայաստանի հավաքականի առաջատար Լևոն Արոնյանը Լոնդոնում ավարտված Grand Chess Tour-ի եզրափակիչ փուլի երրորդ տեղի համար մրցամարտում պարտվել է աշխարհի չեմպիոն Մագնուս Կարլսենին։

2 դասական պարտիաներից առաջինում հաղթել է նորվեգացի գրոսմայստերը, իսկ երկրորդում գրանցվել է ոչ-ոքի։

Դեկտեմբերի 8-ին տեղի ունեցած արագ շախմատի երկու պարտիաներում գրոսմայստերները տարել են մեկական հաղթանակ: Այնուհետև անցկացվել են կայծակնային խաղի (բլից) 4 պարտիաներ, որոնցում Արոնյանը տարել է մեկ հաղթանակ, կրել մեկ պարտություն և գրանցել 2 ոչ-ոքի:

Grand Chess Tour-ի հաղթող է դարձել չինացի Դին Լիժենը, որը եզրափակիչ մրցամարտում առավելության է հասել ֆրանսիացի Մաքսիմ Վաշյե-Լագրավի նկատմամբ։ Մրցաշարի մրցանակային հիմնադրամը 350․000 դոլար է։

Grand Chess Tour-ի ընդհանուր հաշվարկում չորրորդ տեղը զբաղեցնելու համար Լևոն Արոնյանը կստանա 161.250 դոլար:

Այս մասին տեղեկացնում են ՀԱՕԿ պաշտոնական կայքից։

ՎԵՐՋԻՆ ԼՈւՐԵՐ

Վերեվ