«COVID-19 Հայաստան» Փաստահավաք խումբը Facebook-ի էջում գրառում է կատարել։ Գրառման մեջ նշվում է, որ ՀՀ Առողջապահության նախարարությունը կորոնավիրուսի նոր վարակակիրների մասին տվյալների հրապարակման առաջին իսկ օրվանից դիմում է տեղեկատվական մանիպուլատիվ հնարքների։
«Մարտի 12-ից սկսած ԱՆ-ի պաշտոնական բոլոր հայտարարություններում շեշտադրումը կատարվել է ոչ թե նոր վարակակիրների թիվը հայտնելու, այլ վարակման աղբյուրների, թեստավորումների, առողջացած քաղաքացիների կուտակային թվաքանակի վրա։
ՀՀ Առողջապահության նախարարությունը մարտի 20-ից սկսած տեղեկություն չի տրամադրում կորոնավիրուսի նոր դեպքերի մասին, այլ տալիս է միայն տվյալներ հաստատված դեպքերի ընդհանուր քանակի, բացասական թեստավորումների, բուժվածների, փաստացի բուժվողների և մահվան ելքերի մասին՝ շեշտադրում կատարելով առողջացած պացիենտների կուտակային թվաքանակի վրա։
Օգտագործելով տեղեկատվական մանիպուլատիվ հնարքներ՝ Առողջապահության նախարարությունը ջանում է քողարկել կորոնավիրուսի նոր դեպքերի իրական թիվը՝ փորձելով շեղել հանրությանը և ստեղծել դրական դինամիկայի և իրավիճակը վերահսկողության տակ պահելու խաբկանք։
Փաստացի, մարտի 19-ից սկսած կորոնավիրուսի նոր վարակակիրների թիվն, ըստ պաշտոնական տվյալների, ավելացել է մոտ 10 անգամ՝ մեկ ամսում 136-ից հասնելով 1339, սակայն Առողջապահության նախարարության կողմից տարածվող մանիպուլատիվ հայտարարությունների միջոցով փորձ է արվում ստեղծել տպավորություն, թե վերջին մեկ ամսում իրավիճակի բարելավում է գրանցվել:
«COVID-19 Հայաստան» Փաստահավաք խմբի հետ կարող եք կապ հաստատել զանգահարելով 043 20 52 63 հեռախոսահամարին կամ գրելով covid19armenia@gmail.com էլ․ հասցեին»։
https://www.facebook.com/covid19armenia/photos/a.108233390813845/129093258727858/?type=3&theater
