Եվրոպա լիգայի 2018/19 մրցաշրջանում կայացան 1/8 եզրափակչի պատասխան հանդիպումները:
Լոնդոնի «Արսենալի» մրցակիցը ֆրանսիական «Ռենն» էր: «Արսենալը» առաջին խաղում պարտվել էր 1:3 հաշվով:
«Արսենալը» հանդիպումը շատ ակտիվ սկսեց: Արդեն առաջին 15 րոպեի ընթացքում տանտերերը երկու գոլ խփեցին:
5-րդ րոպեին հաշիվը բացեց Օբամեյանգը, իսկ 10 րոպե անց գոլի հեղինակ դարձավ Մեյտլենդ-Նայլսը:
69-րդ րոպեին խաղադաշտ դուրս եկավ Հայաստանի հավաքականի ավագ Հենրիխ Մխիթարյանը: Մեր ընտրանու կիսապաշտպանն էլ սկիզբ դրեց իր թիմի երրորդ գոլին:
72-րդ Մխիթարյանի սկսած գրոհը Կոլաշինացի փոխանցումից հետո ավարտին հասցրեց Օբամեյանգը՝ իր հաշվին դուբլ գրանցելով:
Այսպիսով, «Արսենալը» հաղթեց ու դուրս եկավ քառորդ եզրափակիչ:
1/4 եզրափակչի վիճակահանությունը կկայանա մարտի 15-ին:
https://streamable.com/d0us0