fbpx
Առողջապահություն

Արթուր Ասոյանը ներկայացրել է Առողջապահական տեսչական մարմնի նոր ղեկավարին

Հայաստանի Հանրապետության վարչապետի աշխատակազմի տեսչական մարմինների աշխատանքների համակարգման գրասենյակի ղեկավար Արթուր Ասոյանը նախօրեին Առողջապահական և աշխատանքի տեսչական մարմնի աշխատակիցներին է ներկայացրել տեսչական մարմնի նորանշանակ ղեկավար Հակոբ Ավագյանին:

Ողջունելով ներկաներին՝ Արթուր Ասոյանը հույս է հայտնել, որ Հակոբ Ավագյանի նշանակմամբ Տեսչական մարմնի գործունեությունը կբարելավվի և դրական արդյունքները տեսանելի կլինեն մոտ ապագայում։ Պարոն Ասոյանը ընդգծել է, որ պարոն Ավագյանը մասնագիտական երկար ճանապարհ է անցել՝ աշխատելով թե հասարակական, թե պետական համակարգում և հենց այդ փորձառության շնորհիվ էլ Առողջապահական և աշխատանքի տեսչական մարմնի կառավարման խորհրդի կողմից ընտրվել, ապա վարչապետի կողմից նշանակվել է կառույցի ղեկավար։

Հակոբ Ավագյանը իր հերթին շնորհակալություն է հայտնել նման պատասխանատու պաշտոնն իրեն վստահելու համար։ Տեսչական մարմնի ղեկավարը նշել է, որ տեղյակ է կառույցի խնդիրներին, առաջնահերթ է համարում թիմային աշխատանքը՝ վստահություն հայտնելով, որ հասարակության և պետության շահերը հավասար նժարի դնելով, կարող են արդյունավետ աշխատանք կատարել։

ՀՀ վարչապետի 2019 թվականի սեպտեմբերի 5-ի 1250 – Ա որոշմամբ Առողջապահական և աշխատանքի տեսչական մարմնի ղեկավար է նշանակվել տեսչական մարմնի կառավարման խորհրդի կողմից առաջադրված թեկնածուն՝ Հակոբ Ավագյանը։

Հակոբ Ավագյանը մոտ քսան տարվա փորձ ունի ձեռներեցության, շահերի պաշտպանության և քաղաքականությունների մշակման ոլորտներում։ Հիմնադրել և ղեկավարել է մի շարք ընկերություններ, զբաղեցրել կառավարչական բարձր պաշտոններ թե հանրային, թե մասնավոր ոլորտներում։ 2018-2019 թթ. զբաղեցրել է ՀՀ Տնտեսական զարգացման և ներդրումների նախարարի տեղակալի պաշտոնը։

ԱՄԵՆԱԴԻՏՎԱԾՆԵՐԸ

ՎԵՐ