fbpx
Քաղաքականություն

Եռակողմ համաձայնագրերի իրականացման աշխատանքները լավ են ընթանում․ Պեսկով

Ռուսաստանի Դաշնության նախագահի մամուլի խոսնակ Դմիտրի Պեսկովը պնդել է, որ Հայաստանի, Ադրբեջանի ու Ռուսաստանի միջև` Լեռնային Ղարաբաղի վերաբերյալ եռակողմ համաձայնագրերի կատարման աշխատանքները լավ են ընթանում։

Այս մասին Պեսկովն ասել է լրագրողների հետ զրույցում։

Նա նշել է, որ համաձայնագրերը ՌԴ նախագահ Վլադիմիր Պուտինի ակտիվ մասնակցությամբ են կնքվել ու Պուտինը մշտական կապի մեջ է ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։

Պեսկովը նշել է նաև, որ համաձայնագրերի կատարման աշխատանքներն ընթանում են Պուտինի ակտիվ մասնակցությամբ։

Նշենք, որ չնայած Պեսկովի պնդումներին, թե համաձայնագրերի կատարման աշխատանքները լավ են ընթանում, առնվազն նոյեմբերի 9-ի համաձայնագրի՝ բոլոր գերիների վերադարձման կետը Ադրբեջանը չի կատարում, իսկ նման հումանիտար խնդրի լուծումը էական է խաղաղ ֆոնի ստեղծման ու աշխատանքների արդյունավետ իրականացման համար։

ԱՄԵՆԱԴԻՏՎԱԾՆԵՐԸ

ՎԵՐ