Արագածոտնի մարզի Աշտարակ քաղաքի Սպանդարյան փողոցի տներից մեկում հրդեհ է եղել: Այս մասին հայտնում է ՀՀ Արտակարգ իրավիճակների նախարարությունը: «911» ծառայությանն ահազանգ է ստացվել այսօր՝ փետրվարի 7-ին, ժամը 15:13-ին:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 15:24-ին, մարվել՝ 15:40-ին: Այրվել է Ռ. Մ.-ին պատկանող տան խոհանոցի կահույքը (10 քմ)՝ մասնակի: