Աթենքի Ակրոպոլիսը հինգշաբթի և ուրբաթ օրերին՝ ժամը 13.00-17.00-ն, կփակվի այցելուների համար շոգի պատճառով։ Այս մասին տեղեկացրել է Հունաստանի մշակույթի և սպորտի նախարարությունը։
Աթենքի հնությունների պահպանման վարչությունը հնագիտական հուշարձանը փակում է, քանի որ համաձայն Ազգային օդերևութաբանական ծառայության կանխատեսման՝ օդի ջերմաստիճանը կբարձրանա 40-ից։
Այցելուներին, որոնք գնել են էլեկտրոնային տոմսեր այդ օրերի ու ժամերի համար, խնդրում են վաճառքի ծառայության հետ կապվել էլեկտրոնային փոստով։
Հունաստանի ամբողջ տարածքում հուլիսի 4-ին և 5-ին շոգ է լինելու՝ օդերևութաբանները կանխատեսում են 38-40 աստիճան։
Նշենք, որ Աթենքի Ակրոպոլիսը ամենաշատ այցելվող հնագիտական հուշարձանն է Հունաստանում։ 2018-ին այստեղ այցելել է 3,15 մլն մարդ։ Ամենաշատ հաճախվող թանգարանը Ակրոպոլիսի թանգարանն է. այստեղ 1,8 մլն մարդ է այցելել։
