Հայաստանի Հանրապետության առողջապահության նախարար Անահիտ Ավանեսյանը երկօրյա այցով Լոռու մարզում է գտնվում։
Այս մասին տեղեկանում ենք ՀՀ առողջապահության նախարարության Facebook-ի էջից։
- Պատվաստումների QR կոդերը Եվրոպայում վավեր են դարձել․ Կառավարություն
- Հայաստանում պատվաստումների թիվը հատեց 1 միլիոնի շեմը
«Նախարարը շրջայց է կատարել «Հայաստանի մանուկներ» հիմնադրամի COAF ՍՄԱՐԹ կենտրոնում, ծանոթացել առողջապահության ոլորտում համայնքների բնակիչներին առաջարկվող կրթական ծրագրերի հիմնական ուղղություններին:
Վահագնի և Դեբետ համայնքներում Ավանեսյանը եղել է առաջնային օղակի առողջապահական հաստատություններում, ծանոթացել բուժսպասարկման պայմաններին, լսել հուզող հարցերն ու առաջարկները, հետաքրքրվել պատվաստումային գործընթացով:
Նախարարի այցը շարունակվել է Լոռու մարզի մի շարք գյուղական համայնքների բուժհաստատություններում», – ասված է հաղորդագրության մեջ: