Տնտեսություն

Ավարտեցինք տնտեսական մի աննախադեպ առաջարկի քննարկում․ Նիկոլ Փաշինյան

ՀՀ վարչապետ Նիկոլ Փաշինյանը ֆեյսբուքյան իր էջում գրել է․

«Քիչ առաջ ավարտեցինք տնտեսական մի աննախադեպ առաջարկի քննարկում:

Հազարավոր ընկերություններ ունեն Ավելացված արժեքի հարկի դեբետային մնացորդներ, որոնք գոյացել են մինչեւ 2017 թվականի հուլիսի 1-ը: Եթե շատ չմանրամասնեմ, սրանք այն գումարներն են, որ պետությունը Ավելացված արժեքի հարկի գծով պարտք է տնտեսվարողներին եւ խոսքը շուրջ 9 հազար տնտեսվարողների մասին է:

Առաջարկի աննախադեպությունը, կարելի է ասել՝ հեղափոխականությունը կայանում է նրանում, որ կառավարությունում քննարկում ենք շուրջ 56 միլիարդ դրամ դեբետային մնացորդը տնտեսվարողներին վերադարձնելու հնարավորությունը:

Առաջարկի իմաստն այն է, որ տնտեսվարողները այդ գումարները, որոնք ետ ստանալու հույսը վաղուց են կորցրել, ներդնեն մեր տնտեսության մեջ: Սա ըստ էության ավելի քան 100 միլիոն դոլարի պետական ներարկում է տնտեսության մեջ, որը մեր երկրի պատմության մեջ նախադեպը չունի»:

https://www.facebook.com/nikol.pashinyan/posts/2401558966831151?__xts__[0]=68.ARDvrtGZYyJCvXxSC3pE8nxCSkcnrYuNAVlwK17041hXVPRH2qagseGDVrmirYnPE475eza0JIxMcDHm-Px-71-4L3UEcgVTrJVwWHwu2UScgvFazhmrrq23koTr_E4K0A5bYIz6fB7w4u9j-7zN0DphFIMPflk1JJX45TSviu3EsOPC98I_565Z9lrjfohpCv4Jb1oYX2xJdtTsTBwaebjMPQ_L8ztbfblFffxQcoxkOCPjzpIUiu5jFTeMlPhPqLJjGvplPXq9SF45yM07x5DbuJVJPq8uhuBUXPXC1EjpvmHX2TzO5NrDNAhtkKbQBk7tO5YK35NSdcpcpzaA54u_&__tn__=-R

ԱՄԵՆԱԴԻՏՎԱԾՆԵՐԸ

ՎԵՐ