Եկել եմ աջակցելու պարոն Քոչարյանին, լրագրողների հետ զրույցում ասաց նախկին դաշնակցական Աղվան Վարդանյանը, որը դատարանի դիմաց էր՝ աջակցելու ՀՀ երկրորդ նախագահ Ռոբերտ Քոչարյանին:
Հարցին` արդյոք Քոչարյանն իր աջակցության կարիքն ունի, Վարդանյանն ասաց.
«Քոչարյանը որևէ մեկի աջակցության կարիքը չունի, բայց իբրև քաղաքացի՝ դուք եք որոշում՝ որ պահին, որտեղ լինեք»:
Դիտարկմանն էլ, թե ինչու է դրսում և դատարանի դահլիճ չի մտնում, այնտեղ դատական նիստին հետևելու համար, Աղվան Վարդանյանն ասաց.
«Ոստիկանությունն ասաց, որ ազատ տեղ չկա, որ հետագայում լինի, տեսնեք»:
Ավելի վաղ տեղեկացրել էինք, որ այսօր Երևանի ընդհանուր իրավասության դատարանում շարունակվում է ՀՀ 2-րդ նախագահ Ռոբերտ Քոչարյանի գործով դատական նիստը:
Զուգահեռ բողոքի ակցիա է տեղի ունենում դատարանի դիմաց, որտեղ ցուցարարները բաժանվել են երկու խմբի՝ ընդդեմ և հանուն Քոչարյանի պաշտպանության:
