Ապրիլի 15-ին ՀՀ ԱԺ նիստի ընթացքում ՀՀ կրթության, գիտության, մշակույթի և սպորտի նախարար Արայիկ Հարությունյանը հայտնել է, որ ՀՀ կառավարությունը մտադրություն ունի օգնել այն բուհերին, որոնք ժամանակավորապես զրկվել են ուսման վճարներից կորոնավիրուսի պատճառով։
Նախարարը նշել է, որ այս պահին կառավարությունը դիտարկում է բուհերին և ուսանողներին հնարավորինս աջակցելու գործողություններ։
«Կան բուհեր, որտեղ առաջին կիսամյակում վարձավճարները կազմել են 20-25 տոկոսից մինչև 40 տոկոս։ Սակայն դա բավարար չէ․ մենք այժմ դիտարկում ենք բուհերին և ուսանողներին հնարավորինս աջակցելու գործողություններ»,-ընդգծել է Հարությունյանը։